Manifests de 2012
En 2012 avèm lançat un manifèst per sosténer la s edicios literàrias de l'Institut d'Estudis Occitans
« Los
escrivans d’òc e actors de la cultura occitana signataris d’aquesta
letra vòlon marcar tota l’afeccion qu’an per las edicions literàrias
de l’IEO, qu’an jogat un ròtle tan grand despuòi mièg sègle dins
l’espelison d’una escritura modèrna dins nòstra lenga. Seriá tròp
long d’enumerar las òbras importantas de nòstres autors màgers que
pareguèron jos l’estampèl de l’IEO. Mai important encara, la màger
part dels joines escrivans an publicat sas primièras òbras dins una
colleccion de l’IEO. Per nòstra lenga l’importància d’aquel apòrt
es estada incalculabla. Aqueles autors, cadun a son biais, l’an plegada
per li far dire lo mond contemporanèu dins tot son ample, e ne far una
lenga del sègle XXI, qu’a pas res que li desfautèsse a comparança de
las autras grandas lengas de civilizacion de l’umanitat. Per aiçò
formulam lo vòt qu’aquel remirable esplech de desvolopament de la lenga
que son aquelas edicions de l'IEO contunhèsse longamai son prètzfach,
contribuissent a faire de la lenga occitana, de mai en mai, çò que
s’amerita d’èstre, un grand esplech de pensada e de reencantament del
mond » Manifèst
lançat per la seccion de lenga d’Oc del « PEN internacional »,
associaction mondiala dels écrivans per la
libertat d’expression. |